ՉՈՐՐՈՐԴ ԻՆՔՆԻՇԽԱՆՈՒԹՅՈՒՆ. Իրար ծախելու ժամանակը

Թերթի երեկվա համարում, հղում անելով մամուլին, տեղեկացրել էինք, որ այս գործի շրջանակներում սպանության ապօրինի մեղադրանք էր առաջադրվել Հովհաննես Շահինյանի քրոջ որդուն, իսկ իրական հանցագործը ԱԺ ՀՀԿ-ական պատգամավոր Լեւոն Սարգսյանի` Ալրաղացի Լյովի թիկնապահներից մեկն է:

Շարունակենք` արդեն կալանավորված Վռամ Բաղդասարյանը Ալրաղացի Լյովի ամենասիրելի թիկնապահն է. նա համապատասխան թիկնապահական հմտություններ է ձեռք բերել «սպեցնազում» աշխատել-ծառայելու ընթացքում, ապա «մարդ սպանելու» նեղ մասնագիտացման դասընթացներ է անցել Ալրաղացի Լյովի թիկնազորում:

Հետաքրքիր է, թե ինչու է Սերժ Սարգսյանը հապաղում հրապարակային անբարոյական անվանել նաեւ Լեւոն Սարգսյանին, ով, չարաշահելով իր պաշտոնեական դիրքը, ավելի որոշակի` Սերժ Սարգսյանի հետ մտերիմ հարաբերություններ ունենալու ֆակտորը, Շահինյանի քրոջ որդուն գործարք է առաջարկել` իր վրա վերցնել մարդասպանությունը, իսկ իր Վռամից «հեռու ֆռֆռալ»: Լեւոն Սարգսյանի անմիջական միջամտությամբ եւ գործուն ջանքերի շնորհիվ է այս գործը կոծկվել, իսկ Թամամյան Հովիկը վստահ է եղել կողմերի` լռության իմաստով «ամրության» վրա:

Այս անգամ, սակայն, գործել է այլ տարբերակ. Շահինյանների գերդաստանը գործի վճռական փուլում որոշել է «երգել» ու ճիշտ էր արել: