ՉՈՐՐՈՐԴ ԻՆՔՆԻՇԽԱՆՈւԹՅՈւՆ. ԿԳ փոխնախարարը կշարունակի դասագրքեր տպագրել

Շարունակում ենք ներկայացնել ԿԳ փոխնախարար Կարինե Հարությունյանի մասին մեր տեղեկությունները:

Սկզբում Կարինե Հարությունյանը «Կրթական ծրագրերի կենտրոն» ԾԻԳ ՊՀ-ի տնօրենն էր` 1998-2010 թթ., ապա դարձավ Դասագրքերի շրջանառու հիմնադրամի գործադիր տնօրենը. 1998թ. մինչեւ օրս նա զբաղեցնում է այդ պաշտոնը:

Կարինե Հարությունյանը այն անձնավորությունն է, որը 12 տարի «նստած է եղել» վարկային միջոցների վրա: Այդ է պատճառը, որ նրա 12-ամյա հաղթարշավի ժամանակ իր հետ աշխատած մարդկանցից շատ-շատերը վերջինիս բնութագրելիս, սկսում են նրանից, որ Կարինե Հարությունյանը մեր 20-ամյա անկախ երկրի ամենահարուստ կանանցից մեկն է:

Նա իր բիզնեսը կազմակերպել է ոչ թե սեփական ֆինանսական միջոցներով, այլ վարկային միջոցներով, այսինքն` փաստացի պետական միջոցներով: