Ուղղված հայ-ճապոնական համագործակցությանը

Մարտի 22-ին Մոսկվայում ՀՀ ԱԳ նախարարության, Արտաքին առեւտրի աջակցության ճապոնական կազմակերպության (JETRO) եւ Զարգացման հայկական գործակալության (ADA) ջանքերով կայացավ «Գործարար միջավայրը Հայաստանում» սեմինարը:

Միջոցառման ժամանակ ընթերցվեց Հայաստանի արտգործնախարար Էդվարդ Նալբանդյանի ուղերձը, որում նա ցավակցում էր Ճապոնիայի ժողովրդին բնական աղետների ողբերգական հետեւանքների կապակցությամբ. տեղեկացնում է ՀՀ ԱԳՆ մամուլի եւ տեղեկատվության վարչությունը: Իր ուղերձում նախարարն ընդգծել էր սեմինարի կարեւորությունը հայ-ճապոնական առեւտրատնտեսական համագործակցության հետագա զարգացման գործում, ինչին կաջակցի անցյալ տարի Ճապոնիայում բացված ՀՀ դեսպանությունը:

Սեմինարի ընթացքում ներկայացվել են Հայաստանի տնտեսական կյանքի առանձնահատկությունները, պատասխաններ են տրվել ճապոնական ընկերությունների ներկայացուցիչների հարցերին: