Առաջարկ` գեղասահքի աշխարհի առաջնությունն անցկացնել Ռուսաստանում

Ինչպես նախօրոք տեղեկացրել էինք, Ճապոնիան չի կարող անցկացնել գեղասահքի աշխարհի առաջնությունը:

Այսօր Վլադիմիր Պուտինն սպորտի նախարարին առաջարկել է կապ հաստատել գեղասահքի միջազգային ֆեդերացիայի նախագահ Օտավիո Չինկվանտայի հետ և առաջարկել նրան աշխարհի առաջնությունն անցկացնել Ռուսաստանում։

«Ճապոնացիները չեն կարող անցկացնել աշխարհի առաջնությունը, պետք է օգնենք մեր ճապոնացի գործընկերներին։ Եթե ISU-ն հետաքրքրված է, ապա մենք պատրաստ ենք օգնել միջազգային ֆեդերացիային։ Մենք կարող ենք հոգալ բոլոր ծախսերը։ Դա շատ ծախսատար չի լինի, իսկ մենք գեղասահքի շատ սիրահարներ ունենք և կարող ենք նրանց ուրախացնել»,- ասել է Վլադիմիր Պուտինը։