"Ռեալը" խախտեց օրինաչափությունը

Երեկ Մադրիդի «Սանտյագո Բեռնաբեու» մարզադաշտում տեղի ունեցավ «Ռեալ»-«Լիոն» հանդիպումը: 2004 թվականից ի վեր արքայական ակումբը չէր կարողանում հաղթահարել Չեմպիոնների լիգայի 1/8 եզրափակիչի արգելքը: 3:0 հաշվով առավելության հասնելով Լիոնի «Օլիմպիկի» նկատմամբ՝ նա վերջապես 7 տարվա ընդմիջումից հետո խախտեց օրինաչափությունը և անցավ 1/4 եզրափակիչ:

Հանդիպման հաշիվը բացվեց Մարսելոն 37-րդ րոպեին: 66-րդ րոպեին հաշիվը կրկնապատկեց Կարիմ Բենզեման: Վերջին գոլի հեղինակ դարձավ Անխել Դի Մարիան: Նախորդ հանդիպման ժամանակ գրանցվել էր ոչ ոքի՝ 1։1։

Զուգահեռ ընթացող «Չելսի»-«Կոպենհագեն» զույգից քառորդ եզրափակիչի ուղեգիր նվաճեց լոնդոնյան ակումբը: