Ռոնալդուն կրկին հայր կդառնա

Ռուս թոփ-մոդել Իրինա Շեյկը պատրաստվում է մայրանալ: Երեխայի հայրը Մադրիդի «Ռեալի» կիսապաշտպան Քրիշտիանու Ռոնալդուն է, ով վերջերս ամուսնության առաջարկ է արել Շեյկին. հաղորդում է Correio de Manha-ն:

Բրիտանական մամուլում գրում են, որ Քրիշտիանուն իր սիրած կնոջը ադամանդե մատանի է նվիրել:

Այս մասին խոսել է Ռոնալդուի ընկերը. «Քրիշտիանուին շատ է դուր գալիս կրկին հայրանալու միտքը, թեև նրանք չէին նախատեսում այսքան շուտ ծնողներ դառնալ: Սակայն ոչինչ Ռոնալդուին այդքան չի երջանկացնում, որքան նրա որդին, ում ծնունդը դրդել է Իրինային ևս մեկ երեխա նվիրել իր սիրած տղամարդուն»:

Զույգը ոչ մի կերպ չի մեկնաբանում ամուսնության և հղիության մասին լուրերը: Ֆուտբոլիստի ծնողները ցանկանում են, որպեսզի իրենց որդու պսակադրությունը տեղի ունենա նրա հայրենիքում` Մադեյրայում: