Ռոնալդուն ամուսնանում է

Այս բանը Ռոնալդուից ոչ ոք չէր սպասում: Արքայական ակումբի գերաստղ  Քրիշտիանու Ռոնալդուն պաշտոնապես ամուսնության առաջարկ է արել ռուս մոդել Իրինա Շայխիսլամովային կամ, ինչպես նրան Արևմուտքում են ճանաչում, Իրինա Շեյկին: Ֆուտբոլիստը գեղեցկուհուն առանձնատուն է նվիրել Մադրիդում, որի արժեքը 7մլն դոլար է:

«Էսպանյոլի» հետ հանդիպումից անմիջապես հետո (1:0) Ռոնալդուն մեկնել է ԱՄՆ և սիրահարների օրը առաջարկություն արել Իրինային: Սիրո բացատրությունը տեղի է ունեցել «Սի Բի Էս» հեռուստաընկերության շենքում, որտեղ մոդելը նկարահանման էր:

Մոտ մեկ տարի առաջ Ռոնալդուն և Շեյկը ծանոթացել էին Armani ներքնազգեստի գովազդային տեսահոլովակի նկարահանման ժամանակ: Նրանց սիրավեպը շատ արագ զարգացում էր ստացել` չնայած այն փաստին, որ նույն ժամանակահատվածում հայտնվել էր Ռոնալդուի որդին` անհայտ կնոջից: Սակայն Իրինան ցանկություն է հայտնել դաստիարակել այդ երեխային:

Սիրահարված զույգն առայժմ չի հրապարակել պսակադրության ստույգ օրը: Ամենայն հավանականությամբ, այն կկայանա ամռանը, երբ Իսպանիայի առաջնության մրցաշրջանն ավարտվի, և ֆուտբոլիստը հանգիստ կարողանա արձակուրդ վերցնել: