Playboy-ի հիմնադիր 84-ամյա Հեֆը ամուսնանում է 24-ամյա մոդելի հետ

84-ամյա Հեֆները Սուրբ Ծննդյան օրը Twitter-ում գրել էր, թե տոնի նախօրյակին նշանվել է իր ընկերուհու` 24-ամյա Քրիստալ Հարիսի հետ:

«Երբ ես Քրիստալին մատանի նվիրեցի, նրա աչքերից արցունքներ գնացին: Սա ամենաերջանիկ Սուրբ Ծնունդն է մեր հիշողության մեջ»,- գրել է Հեֆները:

Հեֆները, ով իր ամսագիրը հիմնադրել է 1953 թվականին, իր երկրորդ կնոջից` Քիմբերլի Կոնրադից բաժանվել է այս տարվա սկզբին, իսկ առաջինից` Միլդրիդ Ուիլյամսից` 1959-ին:

Հարսնացուն` Հարիսը եղել է Playboy-ի 2009  թ-ի դեկտեմբերի դեմքը: Նրա ծնողները թեեւ բրիտանցիներ են, բայց նա ծնվել է ԱՄՆ-ում:

Հեֆները, ով աշխարհին հայտնի է իր «Հեֆ» մականունով, եղել է սեռական ազատության եւ քաղաքացիական իրավունքների պաշտպանը, նյութեր է տպագրել ընդդեմ Վիետնամի պատերազմի, մարիխուանայի վաճառքի օրինականցման եւ համասեռականների իրավունքների պաշտպանության մասին:

Այս մասին գրում է «Թելեգրաֆը»: