Ե՞րբ է հայտարարվելու տնօրենի մրցույթ

Արցախի Հանրային հեռուստատեսությունը շուրջ երկու տարի է` տնօրեն չունի, այնինչ օրենքով վաղուց պետք է մրցույթ հայտարարվեր ու հաղթողը տնօրեն նշանակվեր:

Այսքան ժամանակ տնօրենի պաշտոնակատար էր նշանակվել հեռուստատեսության ինժեներներից մեկը, իսկ հիմնարկի ղեկը Հանրային հեռուստառադիոընկերության խորհրդի նախագահ Նորեկ Գասպարյանի ձեռքում է:

Թե ինչո՞ւ շուրջ երկու տարի մրցույթ չի հայտարարվել տնօրենի պաշտոնի համար՝ հայտնի չէ, թեեւ կարելի է ենթադրել. այն պետք է հայտարարեր խորհուրդը՝ նույն Նորեկ Գասպարյանի գլխավորությամբ:

Հարցի առնչությամբ օրերս Ազգային ժողովի նիստում իր մտահոգությունը հայտեց ՀՅԴ խմբակցության ղեկավար Արմեն Սարգսյանը՝ շեշտելով, որ հեռուստատեսության եւ ռադիոյի գործունեության կենտրոնացումը մեկ անձի ձեռքում աբսուրդ է: