Օպերայի թատրոնի տնօրենի համար մրցույթ դեռ չի հայտարարվել

Ալ. Սպենդիարյանի օպերայի և բալետի ազգային ակադեմիական թատրոնի տնօրենի ընտրության համար դեռևս մրցույթ չի հայտարարվել: Այս մասին Yerkir.am-ի հետ զրույցում ասաց մշակույթի նախարարի մամուլի խոսնակ Ռուզան Խաչատրյանը: Նա տեղեկացրեց նաև, որ մրցույթ հայտարարելու համար մինչև օգոստոսի 3-ը դեռ ժամանակ ունեն:

Ի դեպ, այս պահին օպերայի թատրոնի տնօրենի ամենահավանական թեկնածուն թատրոնի գեղարվեստական ղեկավար Կոնստանտին Օրբելյանն է: Իսկ մշակույթի նախկին նախարար Հասմիկ Պողոսյանը, կարծես, փոշմանել է, այլևս չի ուզում այս պաշտոնը ստանձնել:

Հիշեցնենք, որ փետրվարի 4-ին, մշակույթի նախարար Արմեն Ամիրյանի հրամանով, թատրոնի տնօրեն Անդրանիկ Արզումանյանը նշանակվել էր նախարարի խորհրդական: