Տեսանյութի իսկությունը կասկածելի է

Վերջերս սոցիալական ցանցերում տարածվել է youtube-ում տեղադրված մի քանի տեսանյութ. տեսաշարի փոխարեն կապիկի նկարներ են, եւ ինչ-որ տղամարդիկ կեղտոտ հայհոյանքներ են տեղում:

Տեսանյութերը տեղադրողը նշել է, թե հայհոյողները Հրազդանի թիվ 11 հանրակրթական դպրոցի տնօրենն ու փոխտնօրենն են: Որեւէ պարզաբանում ստանալու համար դիմեցինք Կոտայքի մարզպետարանի կրթության վարչության պետ Հովհաննես Կոստանյանին: Վերջինս ասաց, թե այդ մասին մի քանի օր առաջ լսել է, բայց անձամբ տեղյակ չէ:

Իսկ կրթության եւ գիտության նախարարությունը թերահավատ վերաբերմունք ունի այս տեսանյութերի նկատմամբ: Բանն այն է, որ ձայնն ու տեսաշարը բոլորովին չեն համապատասխանում միմյանց, եւ դժվար է հասկանալը` արդյո՞ք տնօրենի կամ փոխտնօրենի ձայներն է, թե՞ այլ մարդկանց: Անհասկանալի է նաեւ, թե ո՞ւմ են ուղղված հայհոյանքները: