Ռեկորդ` ռեկորդի հետևից

Մադրիդի «Ռեալն» ապշեցնում է իր խաղացողների անհատական որակներով: Ռեկորդ` ռեկորդի հետևից, իսկական փոթորիկ է Էլ Կլասիկոյից առաջ: Գվարդիոլան պետք է համարժեք հակահարված տա, ի վերջո, ոչինչ հարատև չէ:

Ճիշտ է, ֆուտբոլը թիմային խաղ է, սակայն գոլ խփելն ու դարպաս պահելը, ըստ էության, որոշ իմաստով մենաշնորհ է:

Մադրիդի «Ռեալի» դարպասապահ Իկեր Կասիլյասը գերազանցել է «Բարսելոնայի» նախկին դարպասապահ Անդոնի Սուբիսարետային բոլոր տարիքային խմբերում Իսպանիայի հավաքականներում անցկացրած հանդիպումների քանակով: Կոլումբիայի հետ ընկերական խաղը Կասիլյասի համար դարձավ 158-րդը ազգային թիմերի կազմում: 116 հանդիպում նա անցկացրել է երկրի գլխավոր թիմում: Սուբիսարետան երկրի հավաքականների մարզաշապիկը հագել է 157 անգամ, իսկ գլխավոր թիմի կազմում անցկացրել է 126 խաղ: