Կրակը երկու զոհ է տարել

Փետրվարի 7-ի լույս 8-ի գիշերը Ստեփանակերտի Հեքիմյան 11 շենքի թիվ 1 բնակարանում հրդեհ է բռնկվել, ինչի արդյունքում երկու մարդ է մահացել:

Ստեփանակերտի հրշեջ-փրկարար մասի 2-րդ պահակախմբի պետ Սաշա Ավանեսյանի հավաստմամբ` հրդեհի բռնկման մասին ահազանգը ստացվել է գիշերվա ժամը 00:41-ին, որից հետո առաջին մեքենան ուղեւորվել է դեպքի վայրը: «Տեղում ծանոթանալով վիճակին` հասկացել եմ, որ մի մեքենայով հրդեհը չենք կարող մարել, կանչել եմ երկրորդը, եւ համատեղ ջանքերով 01:25 րոպեին հրդեհը մարել ենք»,- պատմում է Սաշա Ավանեսյանը:

Հրդեհված 1-սենյականոց բանակարանում ամուսիններ էին ապրում՝ 1931թ. ծնված Շահեն եւ Գալյա Աղաջանյանները: Կինը մահացել է տեղում, իսկ ամուսինը՝ հիվանդանոցում:

Հրդեհի պատճառը պարզ կդառնա հրդեհատեխնիկական փորձաքննությունից հետո: