"Ռեալը" ձեռք բերեց թուրք ֆուտբոլիստ Համիդ Ալթինթոփին

Մադրիդի «Ռեալը» 4 տարվա պայմանագիր է կնքել Մյունխենի «Բավարիայի» ֆուտբոլիստ Համիդ Ալթինթոփի հետ. տեղեկացնում է ակումբի պաշտոնական կայքը:

2010-ին Ալթինթոփի` Ղազախստանի հավաքականի դարպասը խփած գոլը ճանաչվել էր տարվա լավագույն գոլ և ՖԻՖԱ-ի կողմից արժանացել է «Պուշկաշի» մրցանակին:

Թուրք ֆուտբոլիստը գերմանական ակումբի կազմում երկու անգամ դարձել է Գերմանիայի չեմպիոն և Թուրքիայի հավաքականի կազմում մասնակցել է 55 խաղի ու դարձել 6 գոլի հեղինակ:

Այսպիսով, «Ռեալը» ձեռք բերեց ծագումով թուրք իր 2-րդ ֆուտբոլիստին Նուրի Շահինից հետո: Ինչ վերաբերվում է Մեսութ Օզիլին, ապա չնայած այն բանին, որ մամուլում հաճախ է շրջանառվում ֆուտբոլիստի ազգությամբ թուրք լինելու փաստը, սակայն իրականում  նա ծագումով քուրդ է և Գերմանիայի քաղաքացի: