ՖԻՖԱ-ն և ՈՒԵՖԱ-ն ծառայողական քննություն կսկսե՞ն

Այսօր Հայաստանի ֆուտբոլի ֆեդերացիայում Ռուբեն Հայրապետյանը ասուլիս էր հրավիրել` քննարկելու Հայաստան-Ռուսաստան ընտրական հանդիպման վերաբերյալ «ժամանակ» թերթում տպագրված հոդվածը:

Սկզբում բանախոսն ասաց, որ այդ «հայրենասեր» լրագրողները նմանօրինակ հովածներով ուզում են կործանել երկիրը, ֆեդերացիան, ինչը ազդում է նաեւ  ֆուտբոլիստների վրա. «Էտ սուտի գողականներին, որ նախկինում բանտի կլուչնիկներ են բռնել տվել, հիմա ինչ-որ տենց պատվերներ են վճարում...անգիր գիտեմ...»:

Նա ասաց, որ ինքը միայն ֆեդերացիայի նախագահ չէ և ներկայացնում է միջազգային կառույցներ, ինչպիսիք են ՖԻՖԱ-ն և ՈՒԵՖԱ-ն: «Բնականաբար, «Ժամանակ» օրաթերթի այդ տգետները չեն հասկանում, որ ցանկացած նման մեղադրանքներ ներկայացնելը քննության և կասկածների է ենթարկվում ՖԻՖԱ-ի և ՈՒԵՖԱ-ի կողմից, և նշանակվում են ծառայողական քննություններ»,- ասաց Ռուբեն Հայրապետյանը: