կարևոր
1714 դիտում, 3 շաբաթ առաջ - 2024-05-21 10:50
Հասարակություն

Ոստիկաններին հորդորել են համացանցում «բիրտ ուժ» կիրառել իրենց հասցեին վիրավորական գրառում անողների նկատմամբ. ծառայողական քննություն չի լինի. «Ժողովուրդ»

Ոստիկաններին հորդորել են համացանցում «բիրտ ուժ» կիրառել իրենց հասցեին վիրավորական գրառում անողների նկատմամբ. ծառայողական քննություն չի լինի. «Ժողովուրդ»

«Ժողովուրդ» թերթը գրում է․ ««Ժողովուրդ» օրաթերթը գրում է.«Ժողովուրդ» օրաթերթին լուրեր հասան, որ օրերս միջինից բարձր ոստիկանները ստացել են հրահանգ-հորդոր, որ եթե իրենց լուսանկարները հայտնվեն համացանցում՝ կոշտ-վիրավորական գրառումներով, կարող են ընտանիքներով, բարեկամներով «բիրտ ուժ» կիրառել նաև ֆեյսբուքյան կամ այլ հարթակներում՝ փոխադարձաբար հայհոյելով և վիրավորելով քաղաքացիներին:

Այսինքն՝ իշխանության ֆեյքերը չեն բավարարում՝ հանրային ատելությունը ոստիկանների նկատմամբ հակագրոհով զսպելու համար, ոստիկաններին հորդորել են իրենց ուժերով ամեն կերպ «պաշտպանվել»՝ խոստանալով, որ ծառայողական քննություն չի նշանակվի:

Հիշեցնենք, որ մայիսի 15-ին ծնունդով իջևանցի ոստիկան Աշոտ Գուլինյանը բիրտ ուժ էր կիրառել քաղաքացիների նկատմամբ, նրա կինը՝ Լիլիթ Խառատյանը իր ֆեյսբուքյան էջով քաղաքացիներին վիրավորել է ամուսնու վարքը ներկայացնող տեսանյութի տակ։ Բացի վիրավորական խոսքերից՝ ոստիկանի կինը նաև մարդկանց կանչել է՝ հաշվեհարդար տեսնելու։ Եվ այս վարքի համար ոստիկանը չի պատժվել. սա համարվում է ինքնապաշտպանություն»։

Հիշեցնենք, որ Yerkir.am-ը Աշոտ Գուլինյանի դեպքին անդրադարձել էր դեռ մեկ շաբաթ առաջ։