Ծառայողական քննություն՝ բանակում. ՛՛Ժամանակ՛՛

Ոստիկանությունը ուսումնասիրություններ է սկսել ՊՆ որոշ զորամասերում՝ պարզելու, թե փետրվարի 18-ի նախագահական ընտրություններում ով է հրահանգել զինվորներին քվեարկել Րաֆֆի Հովհաննիսյանի օգտին: Այս մասին գրում է «Ժամանակ»-ը՝ հղում անելով իր աղբյուրներին: Ընտրություններից հետո օրաթերթը տեղեկություն էր հրապարակել, ըստ որի՝ Արմավիրի մարզի որոշ ընտրատեղամասերում զինվորներին հրահանգել են քվեարկել Ր. Հովհաննիսյանի օգտին: Ընդ որում՝ զորամասերում կատարված ուսումնասիրություններից հետո առանձին զորամասներում ներքին ծառայողական քննություն է սկսվել՝ պարզելու, թե հանրապետական կուսակլցության թեկնածու Սերժ Սարգսյանի շտաբից զինվորականներին ով է հրահանգել քվեարկել Ր. Հովհաննիսյանի օգտին: Կասկած կա, թե այդպիսով Սերժ Սարգսյանի նկատմամբ ինչ-որ դավադրություն է կազմակերպվել, ուստի այժմ իշխանությունները ցանկանում են պարզել, թե շտաբից ով է մասնակցել այդ դավադրությանը: