Առանց Սերժ Սարգսյանի գիտության՝ ոչ մի բան

ՀՀ նախագահ Սերժ Սարգսյանն իր անմիջական հսկողության տակ է առել ֆուտբոլը, և իր աջակցությունն է ցուցաբերում. այսօր լրագրողներին հայտնել է ՀՖՖ նախագահ  Ռուբեն Հայրապետյանը:

Ըստ նրա` եթե այդ աջակցությունը չլիներ, ապա ինքը վաղու՜ց թողել-գնացել էր: «Ցանկացած հարց, նույնիսկ հեռարձակման պայմանագրերը առանց իր գիտության չեն ստորագրվում: Եղել է դեպք, երբ խնդիր է ծագել, և ֆեդերացիան պետք է բարձր գնով պայմանագիր կապեր, Սերժ Սարգսյանը ստիպել է, որ խնդիրը ֆեդերացիայի օգտին լուծվի»,- ասել է ՀՖՖ նախագահը` հավելելով, որ «ՀՀ նախագահն իր առաջ խնդիր է դրել ամեն գնով հաղթել Ռուսաստանին»:

Փաստորեն ՀՀ նախագահը կարգադրել է հաղթել Ռուսաստանին: Հետաքրքիր է, ի՞նչ էր կարգադրել նախագահը Հայաստան-Թուրքիա և Թուրքիա-Հայաստան խաղերից առաջ: