Իտալիայում Շվեյցարիայի դեսպանատանը պայթյուն է տեղի ունեցել

Հռոմում գտնվող շվեյցարական դեսպանատանը փաթեթ է պայթել՝ ծանր վիրավորելով նամակագրության սենյակում աշխատող աշխատակցին, տեղեկացրել են Իտալիայի իշխանությունները:

Վիրավորված մարդուն տեղափոխել են հիվանդանոց: Նա վնասվածքներ է ստացել հիմնականում ձեռքերի հատվածում ՝ երբ փորձել է բացել փաթեթը:

«Դեսպանը դեռ դեպքի վայրում է, դեսպանատունը չեն էվակուացրել»,- ասել է իտալական ոստիկանության աշխատակաից Մաուրիցիո Մեցավիլան: Նա նաև տեղեկացրել է, որ մասնագետները ստուգում են շենքը:

Հատկանշական է, որ երեքշաբթի օրը Հռոմի մետրոյում թերի պատրաստված սարք էին հայտնաբերել՝ տեղադրված դատարկ տուփի մեջ:  Սակայն ոստիկանությունը հայտնել էր, որ սարքի վրա դետոնատոր չի եղել, իսկ փորձերն էլ ցույց էին տվել, որ սարքի մեջ պայթուցիկ նյութ էլ չի եղել: