Չինական գործարանը ստրկացրել է մտավոր հիվանդ աշխատողներին

Այսօր Չինաստանի իշխանությունները տեղեկացրել են, որ մեկնել են Չինաստանի արևմտյան Քսինջանգ նահանգ՝ փրկելու գործարանում ստրկացված մտավոր հիվանդներին:

Չինական իշխանությունները արձագանքել են երկրի հանրային հեռուստատեսության տարածած տեղեկատվությանը՝ ըստ որի 11 աշխատողների, ներառյալ ութ մտավոր հետամնաց մարդկանց, վաճառել են շինանյութերի գործարանին՝ առանց աշխատավարձի աշխատելու: Հեռուստատեսությունը նաև նշել է, որ ստրկացված մարդկանց նույն ուտելիքն են տալիս, ինչ գործարանի տիրոջ շանը:

Հեռուստատեսությունը հայտնել է, որ Զենգ Լինգքուան անունով մի մարդու են ձերբակալել՝ աշխատողներին գործարանին վաճառելու համար:

Չինաստանում նամանտիպ այլ դեպքեր էլ են եղել նախկինում: 2009 թ.-ի մայիս ամսին ոստիկանները տասը մարդու են ձերբակալել՝ ավելի քան 30 մտավոր հիվանդների ստրկացնելու համար: Իսկ 2007 թ.-ին հարյուրավոր ստրուկներ են ազատ արձակվել գործարաններից: