Մեդվեդևը՝ 2012-ի ընտրություններում իր թեկնածության մասին

Ռուսաստանի նախագահ Դմիտրի Մեդվեդևն այսօր լեհական լրատվամիջոցներից մեկին տրված հարցազրույցում ասել է, որ չի բացառում 2012-ի նախագահական ընտրություններին իր մասնակցությունը:

«Այլ գործընկերներ» էլ կան, ովքեր ցանկություն ունեն ընտրություններին մասնակցել»,- ասել է Մեդվեդևը, հավանաբար նկատի ունենալով վարչապետ Վլադիմիր Պուտինին:

«Եթե իրավիճակը երկրում նորմալ և կայուն լինի, եթե ես ժողովրդի աջակցությունն ունենամ, ես չեմ բացառում իմ թեկնածության առաջադրման հնարավորությունը: Սակայն նման մտադրությունները նախապես չեն բացահայտվում: Դա պետք է արվի ճիշտ ժամանակին և ճիշտ տեղում»,- ասել է Մեդվեդևը:

Հարցազրույցն ամբողջությամբ տեղադրված է ՌԴ նախագահի պաշտոնական կայքում: