Սևանա լճում սկսվել է ձկան բնական վերարտադրությունը

Սկսվել է Սևանա լճում ձկան բնական վերարտադրության ժամանակահատվածը: ՀՀ բնապահպանության նախարարի հրամանով արգելվում է Արդյունագործական ձկնորսությունը:

Դեկտեմբերի 5-ից 8-ը Սևանա լճից կհանվեն բոլոր տեսակի լողամիջոցները և կարգելվի մուտքը լիճ: Միայն դեկտեմբերի 28-31-ը լճում կթույլատրվի «կարաս» ձկնատեսակի և խեցգետնի որսը, որից հետո մուտքը լիճ կարգելվի մինչև հունվարի 20-ը:

«Սևան» ազգային պարկի» տնօրինությունը և իրավապահ մամինները շուրջօրյա հսկողություն կիրականացնեն սահմանված կարգը պահպանելու և ձկնագողության բոլոր փորձերը կանխելու ուղղությամբ: Կարգազանցների նկատմամբ կկիրառվեն օրենքով նախատեսված ամենախիստ միջոցները: