Համբուրգի նավահանգստում 1.5 տոննա կոկաին են առգրավել

Գերմանական Համբուրգ քաղաքի նավահանգստում շուրջ 1.5 տոննա կոկաին է առգրավվել, որի արժեքը սև շուկայում գնահատվում է գրեթե 350 մլն եվրո, հայտնում է Корреспондент-ը:

Նշվում է` մաքսային ծառայության աշխատակիցները մաքսանենգ ապրանքը հայտնաբերել են Բրազիլիայից առաքված բեռնարկղերում: Ըստ բեռի հետ առկա փաստաթղթերի ՝ բեռնարկղերի ներսում ծխախոտ է եղել:

Սակայն, իրականում այնտեղ 64 պարկ է եղել, որոնց մեջ  էլ տեղադրված է եղել նախապես փաթեթավորված թմրանյութը: Ապրանքը նախատեսված է եղել պատվիրատուների համար Անտվերպենից:

Հավելվում է`այս ամվա ընթացքում սա արդեն երկրորդ խոշոր հարվածն է թմրանյութի վաճառքով զբաղվող մաքսանենգներին: Օգոստոսի 2-ին Համբուրգում մաքսային գործակալները ևս 4.5 տոննա կոկաին էին հայտնաբերել, որն ուղևորվում էր Անտվերպեն: