Դեղորայքի շուկան պետք է օրենսդրորեն կարգավորված լինի

Դեղագործության ոլորտը պետք է օրենսդրորեն վերահսկելի դառնա: Այս մասին Դեղագործության մրցակցության երրորդ միջազգային համաժողովում խոսեցին ՀՀ Ազգային ժողովի Առողջապահության մշտական հանձնաժողովի նախագահ Արա Բաբլոյանը և Առողջապահության փոխնախարար Ալեքսանդր Ղուկասյանը:

«2010թ կառավարության միջոցառումների ցանկում դեղերի մասին օրենքում լրացումներ կատարալու նախագիծը կա»,-ասաց Ղուկասյանը` ողջունելով համաժողովը և արդյունավետ աշխատանք մաղթելով մասնակիցներին:

Ըստ Բաբլոյանի` դեղագործության շուկայում կարևոր է մրցակցության համար բարենպաստ պայմանների ապահովումը, որակի եւ արտահանման հետ կապված հարցերի լուծումը, արտահանումը, վերադիր տոկոսների հստակեցումը: