«Բացարձակ մեկուսացված պայմաններում են պահվում»․ Սահակյանը՝ Բաքվում գերիների պահման պայմանների մասին

«Բաքվում գտնվող հայ գերիներն արտաքին աշխարհի հետ ֆիզիկական շփում չունեն, պահվում են արտաքին աշխարհից բացարձակ մեկուսացվածության պայմաններում․ նրանք չեն տեսնում հարազատներին, հյուպատոսական աշխատակիցների, անկախ բժիշկների, անկախ փաստաբանների, ԿԽՄԿ ներկայացուցիչների»,- ասուլիսի ժամանակ հայտարարեց ՄԻԵԴ-ում հայ գերիների շահերի ներկայացուցիչ Սիրանուշ Սահակյանը։

«Նրանց այլ իրավունքներն էլ են խախտվում, բայց գերագույն խնդիրն այն է, որ նրանք բացարձակ մեկուսացվածության մեջ են գտնվում։ Դատապարտյալները պետք է օգտվեն նամակագրության իրավունքից, ունեն նաև կարճատև և երկարատև այցելությունների իրավունք, այս իրավունքները ևս չեն պահպանվում։ Միակ բանը, որը տրամադրված է՝ վերահսկելի հեռախոսային զանգերն են, որոնց հաճախականությունը և տևողությունը տարբեր են, և բոլոր զանգերը վերահսկվող են, դրանք հայեցողական են և կախված բովանդակությունից՝ կարող են հարկադիր ընդհատման երթարկվել»,- նշեց Սահակյանը։

«Հեռախոսազանգերի ընթացքում վերջին ամիսներին ինտենսիվացել է առողջական խնդիրների բարձրաձայնումը և մշտապես դժգոհություններ կան, որ բուժօգնությունը պատշաճ կերպով չի կազմակերպվում»,- հավելեց իրավապաշտպանը։


։