ԱՄՆ-ն և Իրանը համաձայնեցրել են հրադադարի հաստատումը

Վաշինգտոնը և Թեհրանը համաձայնեցրել են հրադադար հաստատելու հարցը, հայտնում են «ՌԻԱ Նովոստի»-ի աղբյուրները Իրանում և Պակիստանում։

«Այն ներառում է Հորմուզի նեղուցում ազատ նավարկության հնարավորությունը», - նշել են գործակալության զրուցակիցները։

Սպասվում է, որ հրադադարի մասին պաշտոնապես կհայտարարվի առաջիկա օրերին։ Դրանից հետո նախատեսվում է բանակցություններ և տեխնիկական հանդիպումների հերթական փուլ անցկացնել։

Հունիսի կեսերին կողմերը ստորագրել էին հուշագիր, որը պետք է մեկնարկ տար խաղաղության համաձայնագրի կնքման գործընթացին, սակայն մեկ ամսից էլ քիչ ժամանակ անց սկսվեց էսկալացիայի նոր փուլ։

Վերջին շաբաթներին Իրանը և ԱՄՆ-ը միջնորդների մասնակցությամբ փորձում են համաձայնեցնել նոր պայմանավորվածության պայմանները։ Այնուամենայնիվ, անցած հինգշաբթի ԱՄՆ նախագահ Դոնալդ Թրամփը հայտարարել էր Իսլամական Հանրապետության դեմ տնտեսական գործողության մեկնարկի մասին։

Իրանի արտգործնախարար Աբբաս Արաղչին այդ գործողությունները համարել է պարտության ընդունում։ Նա դրանք անվանել է ներքին ճգնաժամից ուշադրությունը շեղելու փորձ, որը, նրա խոսքով, Միացյալ Նահանգներին կհանգեցնի ավելի մեծ պարտության։