ԱԹՍ-ի հարձակման պատճառով փակվել է Իրաքի և Քուվեյթի սահմանային անցակետը

Իրաքի և Քուվեյթի սահմանին գտնվող «Ալ-Աբդալի» սահմանային անցակետը փակվել է անօդաչու թռչող սարքի հարձակումից հետո: Այս մասին հայտնում են իրաքյան լրատվամիջոցները։

Նշվում է, որ Իրաքը Քուվեյթից ծանուցում է ստացել սահմանային անցակետը ժամանակավորապես փակելու մասին:

Միևնույն ժամանակ, Իրաքի սահմանային կետերի վարչության ղեկավար Ամր ալ-Վաելին այսօր հայտարարել է Իրանի հետ «Շալամչե» սահմանային անցակետի աշխատանքների վերսկսման մասին՝ իրանական կողմից կրակ բացելու հետևանքով առաջացած դադարից հետո:

Մերձավորարևելյան թեմատիկայով մասնագիտացված տելեգրամյան ալիքները հայտնում են, որ Քուվեյթի և Իրաքի սահմանային անցակետի վրա հարձակումը Իրանի պատասխանն էր «Շալամչեին» ԱՄՆ-ի հարվածին: