Իսրայելի հետ շրջանակային համաձայնագիրը խաղաղության պայմանագիր չէ. Լիբանանի նախագահ

Լիբանանի նախագահ Ջոզեֆ Աունը խոսել է անցյալ շաբաթ Վաշինգտոնում ստորագրված և Լիբանանի ու Իսրայելի միջև հարաբերություններում հետագա քայլերը սահմանող շրջանակային փաստաթղթի հասցեին հնչող քննադատությունների մասին։

Ինչպես հաղորդում է Լիբանանի ազգային լրատվական գործակալությունը (NNA), նրա բնորոշմամբ՝ այդ փաստաթուղթը չպետք է դիտարկվի որպես լիարժեք համաձայնագիր երկու պետությունների միջև։

«Լիբանանի խնդիրը կապված է Իսրայելի հետ, որը ինքնիշխան պետություն է և ինքնուրույն որոշում է ընդունել բանակցություններ վարել իր անունից։ Լիբանանը չի հրաժարվել իր իրավական, քաղաքական կամ սկզբունքային դիրքորոշումներից, ինչպես պնդում են ոմանք»,- հայտարարել է երկրի նախագահը։

Շրջանակային փաստաթուղթը չի նախատեսում իսրայելական զորքերի անհապաղ դուրսբերում Հարավային Լիբանանի տարածքից, որն Իսրայելը շարունակում է վերահսկել։