«Հայաստան» դաշինքը հստակ քաղաքական գնահատականներ է տալիս գործողների քայլերին. քաղաքագետ

Քաղաքագետ Ալեն Ղևոնդյանը գրում է.

«Նախորդ օրը դիտեցի «Հայաստան» դաշինքի ղեկավար ՀՀ երկրորդ նախագահ Ռ.Քոչարյանի հարցազրույցը Հ1-ի տաղավարում, իսկ երեկ լսեցի Դաշինքի առաջնորդի ելույթը ամփոփիչ հանրահավաքում:

Դետալիզացված անալիզ անելու իմաստ չկա, քանի որ ամեն բան հստակ տեսանելի է.

փորձեմ կետերով տարանջատել. (նման մոտեցմամբ կվերլուծվեն նաև մյուս երկու ընդդիմադիր միավորների առաջնորդների ավարտական ու միտինգային խոսքերը):

- հստակ տեսանելի է, որ երեք ուժերից հատկապես «Հայաստան» դաշինքն է ամենից արմատական քաղաքական միավորը և հստակ քաղաքական գնահատականներ է տալիս գործողների քայլերին, ինչպես նաև դիրքորոշում ձևակերպում ապագայում այդ մասով իր անելիքների հետ կապված - ՊԱՏԺԵԼՈՒ ենք...

- ելույթը, ինչպես Հ1 հաղորդման մեջ, այնպես էլ հանրահավաքին, հստակ էր, կետերով, թիրախային, կոնկրետ, կոշտ,

- պոպուլիստական խոստումներ չկային. չենք խոստանում որևէ բան, որը չենք անելու, կամ չենք կարողանալու անել,

- գործող իշխանությունների քննադատությունը հստակ էր, «խոստում-իրականություն» բաժանմամբ, այսինքն կոնկրետ փաստերի արձանագրմամբ՝ հղում անելով նաև գործող վարչապետի տեքստերին,

- գործող իշխանության կոնկրետ, ոլորտային անարդյունավետ թիրախային քայլերն ի ցույց դնելով և դրա հետևանքների արձանագրումով:

Հաղթանակը ընտրություններին մասնակցելու և ընդդիմադիր երեքից որևէ մեկին ձայն տալու մեջ է:

Կխնդրեմ նաև տարածել:

Էս ա»: