Հունիսի 7-ին հնարավոր է սրա դեմն առնել ու մերժել նրանց, ովքեր TRIPP-ով կոծկում են «Զանգեզուրի միջանցքի» վտանգը․ թյուրքագետ

Պ.գ.թ․, թյուրքագետ Վարուժան Գեղամյանն իր թելեգրամյան էջում գրում է․

«Ադրբեջանի նախագահ Ի. Ալիևը երեկ նորից բացահայտել է այն, ինչի մասին արդեն մեկ տարի է բարձրաձայնում ենք մենք՝ մասնագետներս։ Ալիևը հերթական անգամ պնդել է, որ Թուրքիան ու Ադրբեջանը TRIPP («Թրամփի ուղի») կոչվածը համարում են «Զանգեզուրի միջանցք» կոչված ծավալապաշտական ծրագրի առաջին քայլը։ Իրենց համար դա հնարավորություն է ստանալ Սյունիքով անցնելու ճանապարհ, որն ունի հատուկ կարգավիճակ։ Այս պահին ամերիկյան վերահսկողությամբ, ավելի ուշ՝ դա կփոխարինեն հենց թուրքականով։

Հունիսի 8-ից հետո այս հարցում իրենք նախատեսում են շարունակել իրենց ծրագիրը, որն ի վերջո հանգեցնելու է Սյունիքի վրա թուրք-ադրբեջանական ազդեցության գոտու ձևավորման։

Հունիսի 7-ին հնարավոր է սրա դեմն առնել՝ ընտրության գնալով ու մերժելով նրանց, ովքեր TRIPP-ով կոծկում են «Զանգեզուրի միջանցքի» վտանգը»: