ԵԱՏՄ-ից դուրս գալու դեպքում՝ ՀՀ քաղաքացիները ստիպված կլինեն արտոնագրեր գնել Ռուսաստանում աշխատելու համար. Պուտին

ԵԱՏՄ-ից Հայաստանի դուրս գալու դեպքում նրա քաղաքացիները ստիպված կլինեն արտոնագրեր գնել Ռուսաստանում աշխատելու համար։ Այս մասին հայտարարել է ՌԴ նախագահ Վլադաիմիր Պուտինը։

«ԱՊՀ երկրներից միգրանտների նկատմամբ գործող պահանջների կիրառում Հայաստանի աշխատավորների նկատմամբ:

Ի՞նչ է դա նշանակում: Սա նշանակում է, որ Ռուսաստանում աշխատելու համար անհրաժեշտ կլինի գնել արտոնագրեր։

Սա նշանակում է, որ պարտադիր բժշկական ապահովագրության հասանելիություն ստանալու համար հարկավոր է ապրել առնվազն հինգ տարի»,- ասել է նա։

Ավելի վաղ ՌԴ ղեկավարը հայտարարել էր, որ ԵԱՏՄ-ից դուրս գալու դեպքում՝ ՀՀ քաղաքացիների համար կգործեն միգրանտներին ներկայացվող սովորական պահանջները։