ԵԱՏՄ-ից դուրս գալու դեպքում ՀՀ-ի հետ բոլոր տնտեսական աշխատանքները ստիպված ենք լինելու դադարեցնել. Պուտին

«ԵԱՏՄ-ից դուրս գալու դեպքում Հայաստանի հետ բոլոր տնտեսական աշխատանքները ստիպված ենք լինելու դադարեցնել»․ Պուտինը խոսել է ԵԱՏՄ-ում Հայաստանի ապագայի մասին

• ԵՄ-ի հետ մերձեցման վերաբերյալ Երեւանի ցանկացած տնտեսական որոշում չի փչացնի Ռուսաստանի եւ Հայաստանի հումանիտար կապերը
• Մեզ մոտ այդ հարցի շուրջ խոսակցությունը կարող է լինել միայն բաց և անկեղծ, և փոխվարչապետը համաձայնել է։
• Ամեն ինչ պետք է հաշվել և ուշադիր նայել: Ուկրաինայի ճգնաժամը ժամանակին սկսվել է ԵՄ-ին Ուկրաինայի անդամակցելու փորձից հետո։ Ուստի խնդրում ենք հայ բարեկամներին օր առաջ հանրաքվե անցկացնել՝ Հայաստանը պետք է լինի ԵՄ-ում, թե ԵԱՏՄ-ում։
• ԵԱՏՄ-ի առավելություններն են՝ մուտք դեպի մեծ և զարգացած շուկա, անմաքս առևտուր, ընդհանուր բուսասանիտարական ստանդարտներ, պարզեցված լոգիստիկա, էներգակիրների ցածր գներ, մասնակցություն ազատ առևտրի համաձայնագրերին:
• Եվրոպան խոստանում է մի օր Հայաստանում ներդնել 2,5 մլրդ եվրո, իսկ Ռուսաստանն արդեն երկրում զգալի միջոցներ է ներդրել՝ 4,9 մլրդ։
• Նախնական գնահատականներով՝ Հայաստանը կարող է կորցնել ՀՆԱ-ի 14 տոկոսը ԵԱՏՄ գծով արտոնությունների չեղարկման պատճառով։

ԵԱՏՄ-ից Հայաստանի դուրս գալու դեպքում նրա քաղաքացիները ստիպված կլինեն արտոնագրեր գնել Ռուսաստանում աշխատելու համար

ԱՊՀ երկրներից միգրանտների նկատմամբ գործող պահանջների կիրառում Հայաստանի աշխատավորների նկատմամբ: Ի՞նչ է դա նշանակում: Սա նշանակում է, որ Ռուսաստանում աշխատելու համար անհրաժեշտ կլինի գնել արտոնագրեր։ Սա նշանակում է, որ պարտադիր բժշկական ապահովագրության հասանելիություն ստանալու համար հարկավոր է ապրել առնվազն հինգ տարի: