Ռուսաստանը առաջիկա շաբաթներին սպասում է Ուիթքոֆի և Քուշների այցին․ Ուշակով

ԱՄՆ բանագնացներ Սթիվ Ուիթքոֆը և Ջարեդ Քուշները առաջիկա շաբաթներին կայցելեն Ռուսաստան, «Առաջին ալիք»-ին ասել է Ռուսաստանի նախագահի օգնական Յուրի Ուշակովը։

«Մենք սպասում ենք, որ Ուիթքոֆը և Քուշները կայցելեն այստեղ առաջիկա շաբաթներին», - ասել է նա։

Նրա խոսքով, ամերիկյան կողմի հետ տարբեր մակարդակներում շփումները շարունակվում են։ «Շփումները շարունակվում են, լուծվում են բազմաթիվ գործնական հարցեր։ Եվ երկու երկրների վարչակազմերի միջև այս շփումները կշարունակվեն», - վստահեցրել է Ուշակովը։

Ավելի վաղ Ռուսաստանի նախագահի ներդրումների հարցերով հատուկ ներկայացուցիչ Կիրիլ Դմիտրիևը հայտարարել էր, որ Ուիթքոֆը մտադիր է շատ մոտ ապագայում այցելել Ռուսաստան։ Հետագայում Ուշակովը հաստատել է դա «Կոմսոմոլսկայա պրավդա»-ին, սակայն չի կարողացել նշել ամերիկացիների այցի ճշգրիտ ամսաթիվը։