Փաշինյանը ընտրություններին մեծամասնություն չի ձևավորի, ընդդիմադիրների ընդհանուր ձայներն ավելի շատ են․ Քրիստինե Վարդանյան

ԱԺ ճեպազրույցի ժամանակ լրագրողներից մեկը  Քրիստինե Վարդանյանից հետաքրքրվեց՝ «Հայաստան» խմբակցության պատգամավոր Գառնիկ Դանիելյանը հայտարարել էր, որ իրենք էլ ունեն սոցհարցումներ, ի՞նչն է պատճառը, որ դրանք չեն հրապարակվում, եթե այդքան բարեհաջող են արդյունքները։ 

«Քաղաքական ուժն իր համար է հարցումներ իրականացնել՝ տեսնելու համար՝ ո՞ր նարատիվները ի՞նչ ուղղությամբ են աշխատում, եւ ինչի՞ վրա պետք է ավելի լավ աշխատել։ Բայց մի քանի տվյալ կհրապարակեմ այդ հարցումներից․ ըստ այդ հարցումների՝ Նիկոլ Փաշինյանը մեծամասնություն չունի, ընդդիմադիրները միասին ավելի շատ ձայներ ունեն, քան Նիկոլ Փաշինյանը»- պատասխանեց Քրիստինե Վարդանյանը։