Իրանը հայտարարել է Իսրայելին hասցվող hարվածների նոր ալիքի մասին՝ ի պատասխան Լարիջանիի մահվան

Իսլամական հեղափոխության պահապանների կորպուսը հայտարարել է Իսրայելի տարածքին զանգվածային հարվածներ հասցնելու մասին՝ ի պատասխան Իրանի Ազգային անվտանգության գերագույն խորհրդի նախկին քարտուղար Ալի Լարիջանիի մահվան: Այս մասին հաղորդում է իրանական Press-TV-ն:

Գործողությունը, որն ստացել է «Ճշմարիտ խոստում 4» անվանումը, դարձել է պատասխան գործողությունների 61-րդ ալիքը՝ հակամարտության սկզբից ի վեր:

ԻՀՊԿ տվյալներով՝ Թել Ավիվի կենտրոնում խոցվել է ավելի քան 100 թիրախ, ներառյալ ռազմական և ուժային օբյեկտներ:

Կորպուսում ընդգծել են, որ հրթիռները հաղթահարել են Իսրայելի ՀՕՊ համակարգը առանց որևէ խոչընդոտի:

ԻՀՊԿ գնահատականներով՝ հարվածների հետևանքով սպանվել կամ վիրավորվել է հակառակորդի ավելի քան 230 զինծառայող:

Բացի Թել Ավիվից, հարձակման են ենթարկվել օբյեկտներ Երուսաղեմում, Հայֆայի նավահանգստում, Բեեր Շևայում և Նեգև անապատում: Միաժամանակ իրանական ուժերը հարվածներ են հասցրել Քաթարում, Բահրեյնում, ԱՄԷ-ում, Քուվեյթում և Սաուդյան Արաբիայում գտնվող ամերիկյան ռազմակայաններին, նշել են գերատեսչությունում: