Հրահանգով շարժվողը դո՛ւք եք, այն էլ՝ բռնապետական հակումներ ունեցող մեկ անձի հրահանգով. Մինասյանը՝ ՔՊ-ին

 «Քիչ առաջ տեղի ունեցավ ԱԺ խորհրդի նիստ, որտեղ ակնհայտ դարձավ, որ մեծամասնությունը անկախ ամեն ինչից, առհամարելով բոլոր ժողովրդավարական նվազագույն կանոնները, իրավական նվազագույն պարտավորությունները, որոշել է ուժի զոռով այս նախաձեռնություններ, ընդամենը մի քանի ամսից սպասվող ընտրություններին ընդառաջ իրականացնել փոփոխություններ»։ Այս մասին ԱԺ-ում ելույթի ընթացքում ասաց «Հայաստան» խմբակցության քարտուղար Արծվիկ Մինասյանը։

Նշենք, որ «Քաղաքացիական պայմանագիր» խմբակցությունը փոփոխություններ և լրացումներ է առաջարկում իրականացնել Ընտրական օրենսգրքում։ 
Հատկանշական է, որ արտահերթ նիստը նախաձեռնող պատգամավորները առաջարկել են օրակարգում ընդգրկված հարցի քննարկումը կազմակերպել հատուկ ընթացակարգով, ըստ որի՝ նախատեսվում է 2-րդ ընթերցմամբ քննարկումը կազմակերպել առաջին ընթերցմամբ ընդունելուց հետո՝ 24 ժամվա ընթացքում։ Նախագծի վերաբերյալ առաջարկներ և գլխադասային հանձնաժողովի եզրակացությունը ներկայացնելու համար սահմանել առնվազն 3-ական ժամ։

Իշխող ուժի այս շուտափույթ նախաձեռնությունը անակնկալի է բերել թե՛ ընդդիմադիր խմբակցություններին, թե՛ լրագրողներին։

Մանրամասն՝ տեսանյութում։