Մինսկի գործընթացը և դրան կից կառույցներն ավարտում են գործունեությունը

ԵԱՀԿ-ն ավարտում է Մինսկի գործընթացի և դրա հետ կապված կառույցների փակումը։ ԵԱՀԿ-ն այս մասին հայտնել է ադրբեջանական APA գործակալության հարցմանն ի պատասխան։

Նշվում է, որ փակումը կավարտվի մինչև 2025 թվականի դեկտեմբերի 1-ը. «Այս ամսաթվից հետո Մինսկի գործընթացի և դրա հետ կապված կառույցների մանդատի շրջանակներում իրականացվող բոլոր գործողությունները պաշտոնապես կդադարեցվեն»։

ԵԱՀԿ-ն դեկտեմբերի 1-ին հայտարարություն կհրապարակի՝ պաշտոնապես հայտարարելով փակման մասին։

Հիշեցնենք, որ 2025 թվականի սեպտեմբերի 1-ին ԵԱՀԿ Մշտական ​​խորհուրդը որոշում է կայացրել դադարեցնել ԵԱՀԿ Մինսկի գործընթացը և դրա հետ կապված կառույցները։ Լուծարումը սկսվել է օգոստոսի 8-ին Վաշինգտոնում ստորագրված փաստաթղթի համաձայն։

Որոշմամբ նաև չեղյալ են հայտարարվում Հայաստան-Ադրբեջան հակամարտությանը վերաբերող ԵԱՀԿ նախկինում ընդունված բոլոր փաստաթղթերը։