Միքայել Սրբազանը պետք է անհապաղ արդարացվի ու ազատ արձակվի․ փաստաբանը՝ դատավորին

«Միքայել Սրբազանը անհապաղ անմեղ ճանաչվի, պետք է արդարացվի և ազատ արձակվի»,-ներկայացնելով պաշտպանական եզրափակիչ ճառը՝ ասաց  Շիրակի թեմի առաջնորդ Միքայել արքեպիսկոպոս Աջապահյանի պաշտպան  Հարութ Ակլունցը։

Մեջբերելով Սրբազանի հարցազրույցը՝ փաստաբանը պնդեց, որ Միքայել Սրբազանը որևէ ահաբեկչություն չի կատարել, որևէ մեկին նման հորդոր չի ուղղել։

«Ընդամենն ասել է, որ ես գտնում եմ, որ անհրաժեշտ է ռազմական հեղաշրջում անել, այդպես եմ ասել պատերազմի օրերին։ Կես ժամանոց հարցազրույցից այսքանն առանձնացրել են, մեղադրանք են առաջադրել և արդեն երեք ամիս պահաում են անազատության մեջ։ Կարծում եմ, ակնհայտ է, որ նման խոսքերի համար անձը չի կարող ենթարկվել քրեական պատասխանատվության»,-ասաց նա։

Մանրամասն՝ տեսանյութում։