Հայաստանն ու Իրանը համաձայնել են սահմանին երկրորդ կամուրջ կառուցել

Հայաստանն ու Իրանը սահմանին երկրորդ կամուրջ կառուցելու համաձայնություն են ձեռք բերել: 

Իրանի նախագահ Մասուդ Փեզեշքիանի հետ մամուլի համար հայտարարությունների ժամանակ այս մասին հայտնեց Նիկոլ Փաշինյանը:  

Փաշինյանը հիշեցրեց, որ Հայաստանն ու Իրանը ռազմավարական ուղենիշ են սահմանել՝ երկկողմ առևտրաշրջանառության ծավալները հասցնելու նախ 1, ապա 3 մլրդ դոլարի:

Փաշինյանն ու Փեզեշքիանը քննարկել են նաև էներգետիկ ոլորտի ընթացիկ կարևորագույն՝ Հայաստան-Իրան էլեկտրահաղորդման 3-րդ գծի նախագիծը: Երկու երկրներն ունեն հստակ փոխըմբռնում, որ նախագիծը պետք է հնարավորինս սեղմ ժամկետներում ավարտվի: Երրորդ գծի շահագործման շնորհիվ Հայաստանը կկարողանա ավելի շատ էլեկտրաէներգիա արտահանել Իրան: