Ոտքի վրա, 3 ժամվա մեջ՝ կառավարման համակարգին վերաբերող օրենք եք բերում․ Գեղամ Մանուկյանը՝ Արմեն Սիմոնյանին

ԱԺ ութերորդ գումարման իններորդ նստաշրջանի արտահերթ նիստի ընթացքում «Հայաստան» խմբակցության պատգամավոր Գեղամ Մանուկյանը դիմեց Տարածքային կառավարման և ենթակառուցվածքների նախարարի տեղակալ Արմեն Սիմոնյանին՝ վերաբերվելով «Հանրային ծառայությունները կարգավորող հանձնաժողովի մասին» և «Էներգետիկայի մասին» օրենքներում առաջարկվող փոփոխություններին։

Մանուկյանը մտահոգություն հայտնեց, որ ռազմավարական ոլորտին վերաբերող նման կարևոր օրենսդրական փաթեթը ներկայացվել է երեք ժամյա ռեժիմով՝ առաջինից մինչև երկրորդ ընթերցում, այն դեպքում, երբ կառավարությունը ներկայացրել է ծավալուն վերապահումներով եզրակացություն։ Պատգամավորը զգուշացրեց, որ նման մոտեցմամբ հնարավոր է վտանգել ոչ միայն ոլորտի արդյունավետ կառավարումը, այլև ներդրումային մթնոլորտը և քաղաքացիների շահերը։

Մանրամասն՝ տեսանյութում։