Ինձ վրա հույս չդնեք, ես հո բոլոր հայերի վարչապե՞տը չեմ․ Փաշինյանը՝ Թուրքիայի հայ համայնքի հետ հանդիպմանը

Նիկոլ Փաշինյանը, Թուրքիայի հայ համայնքի ներկայացուցիչների հետ հանդիպմանը, անդրադարձավ իր՝ համայն հայության նկատմամբ իր պատասխանատվությանը։

 «Հիմա շատ են հարցնում, ասում են՝ բա ինչի՞ 2019-ին ասեցիր «Արցախը՝  Հայաստան է, և վերջ»։ Ես 2019 թվականին այդ արտահայտությունը արել եմ մի պատճառով, որովհետև հայրենասեր էի, որովհետև համայն հայության հայության պատասխանատուն էի, որովհետև ձեր ասած հարցի տրամաբանության մեջ էի, որովհետև սփյուռքի բոլոր համայնքների ներկայացուցիչները գալիս էին և ասում էին, ինչպես ինձնից առաջվա ղեկավարներին են ասել են, որ իրենք «ամենայն» հայոց նախագահն են։ Ինձ էլ էին ասում։ Եվ գուցե դա սկզբից շոյում է, որ դու ոչ թե Հայաստանի, այլ «ամենայն հայոց վարչապետն» ես, բայց մի րոպե ժողովուրդ ջան, չի լինում տենց»։