28 04 2024
|
||
---|---|---|
EUR | ⚊ | 416.29 |
GBP | ⚊ | 485.57 |
GEL | ⚊ | 145.08 |
RUB | ⚊ | 4.22 |
USD | ⚊ | 388.08 |
Վրաստանի վարչապետ Իրակլի Ղարիբաշվիլին Բաքվի Գանջելիք կառավարական նստավայրում հանդիպել է Ադրբեջանի նախագահ Իլհամ Ալիևի հետ, հայտնում է Վրաստանի կառավարության վարչակազմը։
«Կողմերի ուշադրության կենտրոնում են եղել Վրաստանի և Ադրբեջանի միջև բարիդրացիական, բարեկամական հարաբերությունները և երկրների միջև ռազմավարական գործընկերության հարցերը», - ասվում է հաղորդագրության մեջ։
Հանդիպմանը նշվել է, որ Բաքու-Թբիլիսի-Կարս երկաթգիծը կդառնա Եվրոպա-Կովկաս-Ասիա երկաթուղային միջանցքի մաս։
«Առանձնահատուկ ուշադրություն է դարձվել լայնածավալ նախագծի մշակմանը` Սևծովյան սուզանավային մալուխի` Հարավային Կովկասի էկոլոգիապես մաքուր էներգետիկ ռեսուրսների մատակարարման ԵՄ շուկային և դրա առանձնահատուկ կարևորությանը: Կողմերը քննարկել են նաև աշխարհում և տարածաշրջանում անվտանգության հարցեր։ Վրաստանի կառավարության ղեկավարը հույս է հայտնել, որ Ադրբեջանը շատ շուտով խաղաղության համաձայնագիր կստորագրի Հայաստանի հետ»,- ասված է հայտարարության մեջ։
Հիշեցնենք, որ Ղարիբաշվիլին Ալիևի հրավերով Բաքվում է՝ մասնակցելու Կենտրոնական Ասիայի երկրների տնտեսական համաժողովին։