Ամերիկյան ավիահարվածների հետևանքով Եմենում 16 մարդ է վիրավորվել

Ամերիկյան ռազմական օդանավերը երեք ավիահարված են հասցրել Եմենի մայրաքաղաք Սանայից հարավ գտնվող ալ-Սաուադ շրջանին և ևս երկուսը՝ Սաուան շրջանում գտնվող ալ-Արբային փողոցին։ Այս մասին հայտնում է հութիներին պատկանող Al Masirah հեռուստաալիքը։

Օդային հարվածների հետևանքով նախնական տվյալներով 16 քաղաքացիական անձ է վիրավորվել, բացի այդ, մի շարք խանութներ են վնասվել։ 

Տեղեկություններ են հաղորդվում, որ ամերիկյան ռազմական օդանավերն ութ հարված են հասցրել նաև Եմենի ալ-Հազմ շրջանին։ 

Հիշեցնենք՝ մայիսի 4-ի երեկոյան ԱՄՆ-ն մի շարք ավիահարվածներ է հասցրել մայրաքաղաք Սանային, Սաադային, ինչի հետևանքով քաղաքացիական անձինք զոհվել են, որոնց թիվը չի նշվում։