Իրանը 1200 կմ հեռահարությամբ նոր բալիստիկ հրթիռ է արձակել

Իրանը 1200 կմ հեռահարությամբ նոր «Ghassem Basir» բալիստիկ հրթիռի արձակում է իրականացրել: Այս մասին, IRIB-ի փոխանցմամբ, հայտարարել է երկրի պաշտպանության նախարար, գեներալ Ազիզ Նասիրզադեն։

Մայիսի 4-ին Իրանի պաշտպանության նախարարը սպառնացել էր հարված հասցնել ԱՄՆ ռազմաբազաներին և զինված ուժերին, եթե Վաշինգտոնը կամ Թել Ավիվը որոշեն հարձակվել Իրանի վրա:

«Օգտագործելով «Ճշմարտացի խոստում 1» և «Ճշմարտացի խոստում 2» գործողությունների փորձը՝ մենք վերջերս հաջողությամբ փորձարկեցինք նոր բալիստիկ հրթիռը։ Այն բազմաթիվ թիրախների մեջ գտնում է կոնկրետ թիրախը և խոցում առանց նույնիսկ մեկ մետր շեղման, ինչպես նաև առանց GPS նավիգացիոն համակարգի օգտագործման», - ասել է Նասիրզադեն։