Վրաստանի նախագահը ստորագրել է օտարերկրյա դրամաշնորհների ընդունման արգելքի մասին օրենքը

«Վրացական երազանք»-ի ներկայացրած օտարերկրյա դրամաշնորհների ընդունման արգելքի մասին օրենսդրական փոփոխությունները, առանց կառավարության հաստատման,  Վրաստանի 6-րդ նախագահ Միխեիլ Կղավելաշվիլին ստորագրեց:

Aliq.ge-ի փոխանցմամբ՝ օրենքն արդեն հրապարակվել է և մտել ուժի մեջ:

«Վրացական երազանք»-ի խորհրդարանը 2 օրում քննարկեց և հաստատեց քաղաքացիական հասարակության և լրատվամիջոցների դեմ ուղղված օրենքն արագացված ընթացակարգով։

Փոփոխություններն այժմ պարտավորեցնում են շնորհողին (դոնորին)` դիմել Վրաստանի կառավարությանը կամ Վրաստանի կառավարության նշանակած լիազորված անձին/մարմնին համապատասխան հաստատման համար և ներկայացնել դրամաշնորհային պայմանագրի նախագիծ:

Համապատասխան համաձայնություն ստանալու համար դրամաշնորհ տրամադրող անձը պետք է դրամաշնորհի համաձայնագրի նախագիծ ներկայացնի Վրաստանի կառավարություն կամ Վրաստանի կառավարության նշանակած լիազորված անձին/մարմնին:

Հակակոռուպցիոն բյուրոն՝ Ռաժդեն Կուպրաշվիլիի գլխավորությամբ, նշանակված է որպես արգելված դրամաշնորհների տրամադրման և ստացման մոնիտորինգի պատասխանատու մարմին։

Օրենքի նախագծով նախատեսվում են պատժամիջոցներ արգելված դրամաշնորհներ ստանալու դեպքում։