ՀՀ նախագահը ստորագրել է «Արդյունաբերական նմուշների պահպանության մասին» արձանագրությունը վավերացնելու մասին օրենքը

Հանրապետության նախագահ Արմեն Սարգսյանը մայիսի 20-ին ստորագրել է «1994 թվականի սեպտեմբերի 9-ի Եվրասիական արտոնագրային կոնվենցիային կից «Արդյունաբերական նմուշների պահպանության մասին»» արձանագրությունը վավերացնելու մասին օրենքը, որով ընդլայնվում է արդյունաբերական սեփականության օբյեկտների պահպանության Եվրասիական համակարգը:

Բոլոր պայմանավորվող պետությունների տարածքում գործող միասնական Եվրասիական արտոնագրի հիման վրա ստեղծվում է արդյունաբերական նմուշների պահպանության միջպետական համակարգ, ինչը հնարավորություն կընձեռի զարգացնելու մասնակից պետությունների ներքին շուկաները և բարձրացնելու գրավչությունը՝ առևտրի ու ներդրումային գործունեության զարգացման համար: Այն կխթանի նոր ապրանքատեսակների ստեղծումը և կամրապնդի դրանց պատենտների իրավական պաշտպանության համակարգը: