ՌԴ ԶՈւ-ն Խարկովի մարզում վերահսկողության տակ է վերցրել Կրասնոյե Պերվոյե բնակավայրը․ ՊՆ

Ռուսական զորքերը վերահսկողության տակ են վերցրել Խարկովի մարզի Կրասնոյե Պերվոյե բնակավայրը, հայտնում է ՌԴ պաշտպանության նախարարությունը:

««Արևմուտք» զորախմբի ստորաբաժանումների ակտիվ և վճռական գործողությունների արդյունքում ազատագրվել են Դոնեցկի Ժողովրդական Հանրապետության Միրնոյե և Խարկովի մարզի Կրասնոյե Պերվոյե բնակավայրերը», – ասված է Ռուսաստանի ռազմական գերատեսչության` մարտի 22-28-ն ընկած ժամանակահատվածի ամփոփագրում:

Միրնոյե բնակավայրի ազատագրման մասին հաղորդվել էր ավելի վաղ։

Հիշեցնենք՝ 2022 թվականի փետրվարի 24-ին սկսվեց Ռուսաստանի և Ուկրաինայի միջև զինված հակամարտություն՝ Ռուսաստանի զինված ուժերի կողմից Ուկրաինայի տարածք ներխուժմամբ։ Մոսկվայի ժամանակով մոտավորապես ժամը 05:30-ին Ռուսաստանի նախագահ Վլադիմիր Պուտինը հայտարարեց Ուկրաինայի «ապառազմականացման և դենացիֆիկացման հատուկ գործողության» մասին, որից րոպեներ անց հրթիռային հարվածներ սկսվեցին Ուկրաինայի տարբեր վայրերում։ Մարտական գործողություններն ընթանում են մինչ օրս։