ՌԴ-ն իրավունք ունի պատասխանել Ուկրաինայի՝ էներգետիկ օբյեկտներին հասցված հարվածներին․ ՌԴ ԱԳՆ

ՌԴ ԱԳՆ պաշտոնական ներկայացուցիչ Մարիա Զախարովան հայտարարել է, որ Ուկրաինան շարունակում է հարվածներ հասցնել ռուսական էներգետիկ օբյեկտներին՝ չնայած դրանցից հրաժարվելու պայմանավորվածությանը։

«Մենք հստակ զգուշացնում ենք, որ եթե Կիևի ռեժիմը շարունակի իր ապակառուցողական գիծը, ապա ռուսական կողմն իրեն իրավունք է վերապահում պատասխանելու, այդ թվում՝ սիմետրիկ», - նշել է Զախարովան։

Հիշեցնենք՝ մարտի 19-ին հարվածի տակ է հայտնվել Կուբանի նավթաբազան, մարտի 21-ին՝ Կուրսկի մարզի «Սուջա» գազաչափիչ կայանը։ ՌԴ ԱԳՆ-ն նշում է, որ արձանագրվել են նաև Ուկրաինայի զինված ուժերի ԱԹՍ-ները բնակելի շենքերի և սոցիալական հաստատությունների վրա գիտակցաբար ուղղորդելու հերթական բարբարոսական դեպքերը: