|
Փոխարժեքներ
21 11 2026
|
||
|---|---|---|
| USD | ⚊ | $ 360.53 |
| EUR | ⚊ | € 395.18 |
| RUB | ⚊ | ₽ 4.4026 |
| GBP | ⚊ | £ 472.37 |
| GEL | ⚊ | ₾ 139.04 |
Ռուսական զինուժն անօդաչու թռչող սարքերով հարվածներ է հասցրել Ուկրաինայի էներգետիկ օբյեկտներին, ինչպես նաև Ուկրաինայի զինված ուժերի շահերը սպասարկող նավերին։ Այս մասին հայտնել է ՌԴ պաշտպանության նախարարությունը։
Դնեպրոպետրովսկի մարզում խոցվել է Կրիվոյ Ռոգի ջերմաէլեկտրակայանը, որն ապահովում էր Ուկրաինայի ռազմական արդյունաբերության ձեռնարկությունների աշխատանքը։ Սև ծովում՝ Օդեսայի շրջանում, խոցվել է բեռնատար նավ, որը Ուկրաինայի զինված ուժերի կարիքների համար երկակի նշանակության բեռներ էր տեղափոխում։
Խոցվել է նաև Ռովենսկի մարզում գտնվող էլեկտրական ենթակայանը, որն էլեկտրաէներգիա էր մատակարարում ռազմական արդյունաբերության ձեռնարկություններին։ Բացի այդ, ՌԴ պաշտպանության նախարարությունը հայտնել է, որ գիշերվա ընթացքում որսացել և ոչնչացրել են ուկրաինական 275 անօդաչու թռչող սարք։
Նշվում է, որ անօդաչու թռչող սարքերը խոցվել են Բելգորոդի, Բրյանսկի, Վորոնեժի, Կալուգայի, Կուրսկի, Լենինգրադի, Նովգորոդի, Օրյոլի, Պսկովի, Ռոստովի և Սմոլենսկի մարզերի, Ղրիմի, ինչպես նաև Սև ծովի երկնքում։ Լենինգրադի մարզի տարածքում խոցվել է Ուկրաինայի զինված ուժերի 61 անօդաչու թռչող սարք։
Ուկրաինական լրատվամիջոցները հայտնում են, որ օդային տագնապի ֆոնին Կիևում պայթյուններ են որոտացել։