Խաչատուր Սուքիասյանի թիկնապահները 3 ժամ հետո են ազատ արձակվել

NEWS.am-ի տեղեկություններով, նախօրեին հատուկջոկատայինները Երևանի Թումանյան փողոցից ԱԺ ՔՊ խմբակցության պատգամավոր Խաչատուր Սուքիասյանի թիկնապահներին բերման են ենթարկել ապօրինի զենք պահելու կասկածանքով, բայց նրանց մոտ ապօրինի զենք չի հայտնաբերվել: 3 ժամ հետո նրանք բոլորն ազատ են արձակվել:

Ավելի վաղ NEWS.am-ը հայտնել էր, որ համացանցում տեսանյութ է տարածվել, որտեղ երևում է, թե ինչպես են դիմակավորված հատուկջոկատայինները Թումանյան փողոցում կանգնեցնում մեքենան և ստուգումներ անում: Ավելի ուշ հայտնի էր դարձել, որ բերման ենթարկվածները ԱԺ ՔՊ խմբակցության պատգամավոր, գործարար Խաչատուր Սուքիասյանի անվտանգության աշխատակիցներն են։